News
Crowdfunding EIBAHN
17.08.2018
Liebi Fründe, Familie und Eibahn Fans
Wie ihr villicht scho mitbecho händ simmer wider voll aktiv a neue Musig dra.
Mir werdet das Jahr 2 Albene usebringe inkl. 2 Plattetaufene. Wie ihr eu sicher chönd vorstelle entstönd da immer extrem höchi Koste. Drum händ mir eus entschiede äs öffentlichs Crowdfunding zstarte.
Das betüted Ihr chönd eusi 2 Projekt miteme Betrag nach euere Wahl unterstütze.
Mir werdet dänn vo jedere Spänd wo ihr eus gäbet und allne Inahme us CD und Plattetaufi 10% ad „Stiftung für Kinder in der Schweiz“ spände. Die Aktion wird bis am 31.12.18 laufe und aschlüssend werdemer abrechne und eu über dä Spändestand informiere.
Falls Ihr Intresse hettet chönd ihr eus ä Privatnachricht schicke und mir würdet eu Kontoagabe durregä.
Für eui Unterstützig danket mir eu schomal im vorus.
Eui Eibahn Crew
Solvejg Lea, M, Fiew und I2MC
ganze Nachricht hier auf Facebook